Hindi pumapatol ang isang Chaos Valderama sa bata.
Sa dinami-rami nang sinabi nila, ay tanging 'yang lamang ang tumatak sa isipan ko. Hindi ito mawala sa utak ko. Pakiramdam ko ay mayroong kung ano na bumubulong sa akin na hindi pumapatol si Chaos sa bata, paulit-ulit 'yon at walang tigil. Gustuhin ko mang takpan ang tainga ko, ay hindi ko magawa. Iisipin nila na nababaliw na ako, o baka mas lalong laitin lang.
Parang bigla ko nalang gustong umalis sa lugar na ito. Nawalan na ako ng gana sa panood. The only thing that I want now is peace. Simula nang pumunta ako rito ay hindi na ako tinantanan ng mga fangirls niya.
Hindi ko alam na may mga fans palang ganito ka-immature mag-isip, na ganito kakitid ang utak. Hindi porke't hinahangaan nila ay aangkinin na nila. They must know their place,
