"May press na raw agad sa labas. Nakakaloka naman ang beauty mo, nak." si ate Juday 'yon na ngayon ay kakapasok lang sa kwarto ko. Bitbit niya ang ilang gamit na naiwan sa sasakyan, na gagamitin para ayusan ako.
"Ang sakit nila sa bangs!" sagot naman ng isa pang make up artist ko, na ngayon ay kinikilayan na ako.
Ilang pag-uusap at rant pa ang ginawa nila habang inaayusan ako. Juday for my hair, and Freda for my face. Tandem ang dalawang ito pagdating sa pag-aayos. Tanyag din naman kasi silang make up artist sa larangan ng showbiz.
"Pikit ka, bebe gurl. Aayusin ko na eye shadow mo," utos niya.
Agad ko naman itong sinunod, pero iyon nga lang ay nakita ko ang itsura ni Chaos pagpikit na pagpikit ko.
Gustuhin ko mang dumilat, ay hindi na pwede. Masisira ang ginagawa niya, at uutusan lang
