CHAPTER 32
THIRD PERSON POV
Hirap na hirap ang katawan ni Klara matapos manganak. Halos wala na siyang lakas, pero nang marinig niya ang unang iyak ng kanyang anak, napuno ng kakaibang emosyon ang puso niya.
Anak ko…
Dahan-dahan niyang inilahad ang kanyang kamay para abutin ang sanggol na iniaalok sa kanya ng nurse. Nanginginig pa ang kanyang daliri habang inaabot ito, ngunit bago niya mahawakan ang kanyang anak, biglang may pumasok sa delivery room.
Mula sa liwanag ng pinto, isang lalaking humahangos at umiiyak ang tumambad sa kanya—si Andreas.
Kasunod niya si Elise na hindi mapakali, tila hindi makapaniwala sa sitwasyon.
“Klara…”
Ang boses ni Andreas ay basag at puno ng emosyon. Halata sa kanyang mukha ang matinding pagod at lungkot. Namumula ang mga mata niya, bakas ang hindi ma
