Nagising si Georgia na may pumpon ng bulaklak sa tabi niya. Mga bulaklak iyon na galing sa hardin. Napangiti siya at sinamyo iyon bago tumayo ay nagbihis ng t-shirt at shorts. Nakayapak lang siyang bumaba sa komedor at naabutan na abala na si Hector sa kusina. Alas sais na pala ng umaga.
Nakatalikod ito kaya't malaya niyang napagmasdan ang malapad nitong likod. Wala itong suot na t-shirt. Nakasuot naman ito ng apron kahit paano. Pero naiilang pa rin siyang titigan ito kapag humarap na ito sa kanya.
"Good morning..."
Lumingon at mabilis na lumapit nang makita siya. Umupo siya sa bar stool na katabi lang ng dining table. Naroon ang naka-display nitong koleksyon ng mamahaling alak. Hindi na nito kailangang yumuko para angkinin ang mga labi niya.
"One of the best mornings in my l
