Pagkalabas ni Hector sa silid na ginamit ni Georgia ay tumuloy siya sa silid niya. Hindi pa rin niya mapaniwalaan na ang babaeng ipinapahanap niya kay Art ay madadatnan niya mismo dito sa bahay niya. Justine was too clever. Ipinain nito si Georgia sa kanya para takamin siya. At anumang maling hakbang niya'y gagamitin ng anak laban sa kanya.
Dalawang beses pa lang nakapunta si Justine dito sa bahay ng mga magulang niya. Noon ay akala niya'y maaayos niya ang relasyon nilang mag-ama. Ipinakilala niya ito kina Mang Berting. Bukas ay kakausapin niya ang matanda na huwag na ulit papayagang magpunta si Justine sa bahay niya.
What now? Nandito na si Georgia at kanina ay nayakap niya na ito. Walang ideya ang dalaga kung gaano niya kagusto itong hagkan. Wala itong tigil sa pag-iyak kanina nang mal
