MAHIGIT ISANG LINGGO nang naglalakbay ang grupo nina Aila pero magpahanggang ngayon ay wala pa din silang napapala kundi pagod at gutom. Pero maski ganoon, tuloy pa din sila. Basta ang mahalaga para kay Aila ay nasa tabi niya si Cairo . Lahat ng hirap na kakaharapin nila ay makakaya niya. Hindi din niya naiintindihan kung anong nangyari sa pagitan nina Ryeuki at Yamilla at bibihira na niyang makita o marinig ang pagtatalo at pag-aangilan ng mga ito. Magmula nang gabing iyon na nahuli niyang hahalikan ang dalawa, parang nagkaroon na ng malaking pagbabago sa kung anong away mayroon ang mga ito. O mas tamang sabihin na magmula nang mangyari ang halikan sa pagitan nina Yamilla at Ryeuki, hindi na masyadong nag-aaway ang dalawa. At kung anuman ang nagaganap sa mga ito ay hindi na niya pi