Ito ang huling araw namin ng bakasyon ni Jillian. Bukas ay babalik na kami sa Manila at balik trabaho na ulit kami. Sinulit namin ang mga araw ng pag-lagi namin dito. Pinasyal ko siya sa iba’t-ibang magagandang lugar hindi lang dito sa bayan namin kung hindi sa iba pang bayan. Natutuwa akong nasiyahan siya sa pamamasyal namin ganon narin ang aking mga kapatid. Dahil sa ito na ang huling araw namin ay sinigurado ko na mag-eenjoy siya ng husto. Maaga pa ay umalis na kami ng bahay kasama ang buong pamilya ko. Ang destinasyon namin ngayon ay ang Chocolate Hills na pamoso sa lugar namin. Maraming turista ang nagpupunta dito dahil sa pamosong lugar na yun, isa sa mga magagandang tanawin na ipinagmamalaki ng bansa. Ayon sa asawa ko ay hindi pa siya nakakapunta doon kaya yun ang pupuntahan namin n
