Ngayon ang araw ng unang pagdinig. Ngayon ang araw na pinakahihintay ko, ang muling paghaharap namin ni Oliver. Kinakabahan ako kagabi pa, hindi ako mapakali at hindi ako pinatulog kakaisip sa kung ano ang mga posibleng mangyayari. Nanindigan si mama na hindi niya ako masasamahan, sa susunod na pagdinig na lang siya dadalo. Kaya kagabi pa lang ay inabisuhan ko na si JC tungkol dito at nangako siya na aagahan niya ang pagpunta sa bahay. Tumawag rin sa akin ang best friend ko kahapon para sabihin na sasama siya sa akin. Maaga rin siyang pupunta dito sa bahay para sabay-sabay na kaming pumunta sa korte.
Maaga akong bumangon para maghanda. Maaga rin dumating si JC na siyang naghanda ng almusal namin habang gumagayak ako. Mamaya pa naman alas-nuwebe ang naturang pagdinig pero sadyang inagahan
