Ilang araw ko ng hindi nakikita si Jillian mula ng makabalik kami galing sa amin. Ilang araw na sa telepono ko lang siya nakakausap at nakakamusta. Talagang pinaglalaanan ko ng load ang telepono ko dahil ito lang ang tanging daan para magkaroon ako ng komunikasyon sa nobya ko. Gustuhin ko man na makita siya at masundo ay binawalan muna niya ako na gawin yun. Ayon sa kanya ay mahigpit na nakamanman si Oliver sa kanya at palagi narin siyang sinusundo nito sa trabaho. May mga panahon na hindi maiiwasan na hindi siya nito nasusundo pero may pinapadala itong driver para ihatid siya sa kanila.
Bantay sarado si Jillian. Hindi lang sa trabaho niya kung hindi maging sa loob ng bahay nila mismo. Hindi ako makasingit kahit ilang oras para makasama siya kahit sandali lamang. Nahihirapan na ako dahil
