Nabalitaan ko kay Manong Guard na wala na sa factory si Mam Jillian. Hindi na daw ito pumapasok doon mula pa noong isang araw. Hindi niya sinabi sa akin kung ano ang dahilan dahil sila mismong mga tauhan ng factory ay walang kaalam-alam sa totoong dahilan kung bakit bigla na lang itong hindi pumasok isang araw.
Labis kong kinalungkot ang balitang yun. Tanging ang pagpunta ko lang sa factory ang daan para makita at makausap ko ang dalaga at biglang ganito pa ang nangyari. Hindi ko naman alam kung saan siya nakatira at hindi ko rin naman alam ang numero niya kung saan ay pwede ko siyang kamustahin. Naisip ko narin na itanong ito kay Manong Guard pero alam ko na hindi tamang gawin yun at malamang ay hindi niya rin naman ibigay sa akin.
Kahit na namimiss ko na si Mam Jillian ay hindi ko na
