Parang wala ako sa sarili ko. Wala akong kibo. Wala ako sa tamang huwisyo ko. Magulo ang isip ko dahil sa mga naganap sa araw na ito. Kung akala ko ay worst na ang mga unang nangyari sa akin sa araw na ito ay may mas lalala pa pala. Walang tumatakbo sa isip ko ngayon kung hindi ang nangyari sa bahay kanina. Yun ang tanging laman ng isip ko ngayon. Paulit-ulit itong remerihistro sa alaala ko na parang isang sirang plaka. Na kahit pilit ko itong inaalis ay hindi ito mawala-wala sa utak ko. Paulit-ulit na bumabalik sa akin ang mga naganap sa silid ko. Parang isang bangungot na paulit-ulit kong nakikita.
Hindi ko akalain at lubos na maisip na tatlong tagpo sa loob ng isang araw ang mangyayari sa buhay ko. Tatlong tagpo na mabigat lahat sa kalooban at alam kong magmamantya hindi lang sa alaa
