Hindi ako pumasok sa opisina ngayong araw pero umalis ako ng bahay. Biglang parang nawalan ako ng gana sa buhay ko matapos ang mga kaganapan kagabi. Hindi ko alam kung saan ako patungo basta sumakay lang ako ng taxi at sinabihan ang driver na mag-drive lang. Magdamag na akong umiyak kagabi pero hindi pa rin maubos ang mga luha ko habang lulan ng sasakyan. Patingin-tingin sa akin ang driver na tila ba nag-aalala rin sa akin. Sa isang parke ako nag-pahatid. Umupo ako sa isang hindi mataong lugar at doon nanatili para mag-isip.
Hindi ko alam ang gagawin ko sa buhay ko ngayon. Hindi ko rin malaman kung saan ba patungo ang lahat. May parte sa isip ko na wakasan na lang ang buhay ko para matapos na ang lahat ng pagdurusa ko. Hindi isang beses lang na naisip kong kitilin na lang ang sariling bu
