Hindi pa rin makapaniwala si Rise sa nalaman. Hindi niya akalain na makaka-daupang palad niya ang lalaking naging rason sa hindi pagkakaunawaan ng kaniyang pamilya sa pamilya ni Stacy.
Kasalukuyan siyang nakaupo katabi ng naturang matanda. Ipinapaintindi kasi nito sa kaniya ang mga pangyayari noon.
"Gusto ko pong malaman ang mga pangyayari noon, tiyo. Gusto kong malaman kung bakit nagkaganito ang lahat."
Sa sinabi nito'y bumuntong-hininga si Armando saka nagsalita. "Ganito kasi iyon, hijo." Panimula pa nito saka umayos ng upo.
"Si Arcangel ang isa sa mga binata sa bayan na minimithi ng mga dalaga, isa na roon ang anak ni Don Alejandro na si Dominga. Maraming mga lalaki ang nahuhumaling kay Dominga, ngunit si Arcanghel lang talaga ang gusto niyang pakasalan. Matalik kaming magkaibigan n
