Nang makarating sila sa Hawaii ay agad silang nagtungo sa bahay nina Flex at Natasha na bagong bili nila roon, sabi pa nga ng kapatid niya, ay investment niya iyon para sa kanilang bahay-bakasyonan kapag nagpunta sila sa Hawaii.
Sa katunayan nga ay nandoon na sila sa kwartong napili nila habang pagod na nakahimlay sa kama. Nakatulog si Rise habang katabi ang dalawang bata na noo'y gaya ni Rise na natutulog. Nang mga oras na iyon ay nasa paanan lamang si Ara na nagtutupi ng mga damit at nilalagay iyon sa dresser na nandoon. Sabi kasi ni Natasha, ay doon nila isasagawa ang binyag ng kambal, courtesy of course ng mga taong mahal niya, lalo na si Rise na siyang nagplano sa lahat.
Matapos ang ginagawa niya ay napatingin siya sa mukha ng asawa. Naaalala kasi niya ang nakaraan nilang dalawa.
