Chapter 15
Pa'no ba ito? Napapaluha na ako ng takot para sa kaniya. Napaupo ako sa upuan doon at hinintay ko ang pagdating ng tren. Hindi ako maaring manatili lang dito. Baka naman pwede ko pa siya habulin hanggang sa susunod na estasyon o baka bumaba sa pinakahuling estasyon. Muli akong sumakay, bawat station ay binabaan ko ngunit nabigo akong matagpuan siya. Mangiyak-ngiyak kong sinuyod ang buong estasyon ngunit wala. Nasaan na kaya si Zayn? Alam kong kung gaano yung takot ko, maaring mas doble pa sa kanya. Sana kasi hindi na lang ako pumayag na magkalayo kami kaninang yakap niya ako at dumaan ang buwisit at eskandalosang babae.
Tumulo ang aking luha sa pagkabigong mahanap siya. Nanginginig na din ako sa nerbiyos. Nakarating na ako sa North Avenue Station ngunit hindi ko siya makita.
