"Hi, Miss Madrigal," Bati ng kaibigan n'yang si Bridget sa kanyang kuting na ngayon ay nakakunot ang noo at nakanguso maging ang mga labi. "I am your coach and this man here, your fiance is my husband's business partner," ani Bridget sabay tapik sa kanyang balikat.
Muling napakurap ang mga mata ng kanyang Kuting kasabay ng agad na pagbabago ng ekspresyon nito. Kung kanina ay tila ito isang kuting na handang manakmal, ngayon naman ay tila isang basang kuting na biglang napayakap sa kanya sabay subsob ng mukha sa kanyang dibdib.
"Bakit hindi mo agad sinabi," anito habang nanatiling nakasubsob sa kanyang dibdib.
Hindi n'ya napigilan ang sariling magpakawala ng halakhak. "Babe, paano ko sasabihin sayo 'e nag walkout ka 'agad," aniya kasabay ng mahinang tawa.
"Wag mo 'ko tawanan. Kakahiya!"
