Muli siyang humakbang kasabay ng sunod-sunod na paghinga. Nangangatog maging ang kanyang mga tuhod dahil sa takot.
"Saan ka pupunta ha? 'Wag ka munang umalis. Mag-usap muna tayo!" Ani ng lalaki na mula sa kanyang likuran na ngayon ay unti-unting lumalapit din sa kanya.
Inilibot niya ang paningin. Nakita niyang unti-unti na siyang na-kokorner ng mga lalaki. Napahawak ng mahigpit ang isang kamay niya sa kanyang bitbit na flip-flop kasabay ng pag palinga-linga niya sa paligid, umaasa siya na sana isa sa mga tauhan ni Senyor Hellion ang makakakita sa kanya. Ngunit wala ni isang tao siyang nakikita, maliban sa tatlong lalaki.
She steps forward. Nagsimula siyang magbilang sa isip. Kailangan niyang makalayo sa mga lalaki bago pa siya mahawakan ng mga ito.
"Isa, dalawa, tatlo!" Sa kabila ng p
