Dumating na nga ang gabi ng aming alumni homecoming. Kinakabahan ako habang nag-aayos ng aking sarili, light makeup lang ang ipinahid ko sa aking mukha. Ang dress ko na kulay gold, pinaresan ko ng sandals na kulay silver.
Humarap ako sa salamin at napataas ang isang kilay ko, grabe ang hakab ng damit sa aking katawan. Napaka seductive ng itsura ko.
“Ang ganda mo Ate ah!” papuri ni Lando na inismiran ko lang. Kalalabas ko lang ng aking silid at mukha nito ang bumungad sa akin.
“Wag ka uminom ng alak, dahil baka mamaya kung ano mangyari, walang matawag sila Papa na kasama. Alam mo naman minsan nagbabanyo ‘yon.”
“Oo na, Ate paulit-ulit ka naman,” nagkakamot sa ulo na sagot naman ng kapatid ko.
“Para mas dama mo. Kapag hindi sayo paulit-ulit malabo na matandaan mo.”
“Grabeng bobo na
