“YURI, huwag mo kasing nilalagay rito ang mga dala mo, naaabot ni Orion,” nakakunot-noong untag ni Armea sa akin.
Napakamot ako sa ulo. Muntik na kasing mahulugan ang pamangkin ko ng laman ng grocery bags. Mabibigat pa naman iyon dahil may lata ng gatas niya at kung anu-ano pang mga pangangailangan sa bahay. Dumaan kasi ako kanina sa supermarket pagkagaling ko sa trabaho at napasarap ako sa pamimili. Kabibigay lang kasi ng 13th month pay namin.
“Akina nga ang batang ‘yan na makulit.”
Binuhat ko si Orion at pinaghahalikan sa leeg. May kiliti siya roon kaya tawang-tawa siya.
“Ang kulit-kulit mong bata ka! Ibenta kaya kita sa intsik para pagkaperahan?” bulalas ko.
Orion just turned two years last week. Nag-renta ako ng private resort at doon kami nag-celebrate. Kami lang dahil wala na
