Sa ngayon ay patuloy pa rin sa pagtuturo si Jiezel bilang isang kindergarten teacher. Hindi naman kami nahirapan sa time management dahil tuwing weekdays ay sa amin nag-ii-stay si Mama Jenna para alagaan si Damzel at bantayan na rin ng bahay. Kaya lang ay kapansin-pansin na medyo mahina na ang katawan ni Mama Jena kung kaya't tanging magagaang gawain lamang ang pinapagawa namin sa kaniya katulad ng pagluluto o pagtutupi ng damit. Si Jiezel na ang bahala sa paglilinis sa tuwing day off niya. Ayaw kasi niya na basta-basta na lang kaming mag-hired ng katulong, lalo na't mahirap magtiwala sa panahon ngayon at isa pa ay sumasakto lang ang sinasahod naming dalawa sa mga grocery at bills.
Malayo pa lang ay natatanaw ko na siyang palabas ng classroom na tinuturuan niya. Ang ganda lang ng ngiti ni
