“So, anong plano mo? Magmukmok buong magdamag diyan sa kuwarto mo? Hay naku Grace, puwede ba? Hindi matatapos iyang problema ninyo ni Rex kung hindi ka lalabas diyan. Isa pa, alam na ng buong Pilipinas ang tungkol sa pagtataksil daw ni Rex sa iyo. Mabuti nga at nagawan na ng paraan ni Kyle, para ma-take down ang mga videos and photos niya e,” sabi ni Dok Vida sa kaniya.
Nang mahimasmasan kasi siya ay ito ang una niyang tinawagan dahil alam niyang matutulungan siya nitong mag-isip.
“Grace, kailangan mong pakinggan si Rex para maging maayos ang lahat sa inyo.”
“E, dok ang sakit-sakit kasi e,” sabi naman niya rito sa gumagaralgal na tinig.
“Grace, naiintindihan naman kita. Pero ano bang plano mo?” tanong nito sa kaniya.
“Balak ko sanang umalis na lang dito, Dok. Kaso paano ko namang gag
