Naging masaya naman ang sandaling oras na inilagi nila Rex sa bahay ng kaniyang pamilya. Masaya siyang buong puso namang tinanggap ng kaniyang ina at mga kapatid ang kaniyang kasintahan. Kagaya ng mga magulang ng kasintahan, nais na rin ng kaniyang ina na lumagay na sila sa tahimik ni Grace. Natawa pa nga siya nang sabihin ng kaniyang ina na pakasalan na agad si Grace at baka mauntog pa ito, at mabasag ang helmet.
Gusto na niyang pakasalan si Grace gaya ng inaasam niya noon pa man. Pero hindi pa ngayon. Gusto muna niyang i-enjoy nila ni Grace ang pagiging magkasintahan nila. Ayaw niyang biglain ang dalaga dahil baka imbes na sa kasalan ang tuloy nila, sa hiwalayan sila mapunta. Naniniwala kasi siyang ang mahahalagang bagay na katulad niyon ay hindi minamadali. And he knew that Grace dese
