KINAGABIHAN, nagtungo muna sila ni Trina sa mansion ni Juan Carlos upang magluto ng mga pastries and cakes. Wala roon ang lalaki dahil may appointment pa ito sa labas kaya hindi na nila ito hinintay dumating. Nagdala na rin sila ng mga natira para sa mga kapatid nilang naghihintay sa resthouse.
“Nagkita na kayo ni Raven?” tanong ni Trina sa kaniya.
“Hindi pa. Simula kanina ay wala pa ang tatlo.”
“Oy! Sinundan ka talaga ni Raven dito at biruin mo na magkasundo na ang dalawa. Love is in the air. Haba ng hair mo teh!” tukso ni Trina sa kaniya.
Naglalakad sila patungo sa resthouse ngunit maliwanag naman ang buong paligid. Malamig din ang simoy ng hangin na dumadampi sa kanilang mga balat hanggang sa nakapasok na rin sila sa loob at naulinigan na lang ang tatlong lalaking pakanta-kanta at
