#TMNFABKabanata40
Comfort
MARIA
Malungkot kong pinagmamasdan ang mga batang naglalaro sa ilalim ng ulan. Hindi natiis nila mother na pagbigyan ang mga bata sa ampunan at hinayaan silang maligo sa ulan.
Akala ko’y makakasama ako pero pinigilan ako ni Lola. Magagalit daw kasi sila Inang kapag hinayaan akong maligo sa ulan dahil baka magkasakit na naman ako. Malala pa naman kapag tinatamaan ako ng ubo dahil nauuwi iyon sa pneumonia.
Napatingin ako sa tabi ko nang may maramdaman na may umakbay sa akin.
“Huwag ka nang malungkot, kapag malaki na tayo at malakas-lakas ka na, maliligo tayo sa ulan gaya nila,” nakangiting saad ni Lazarus at inabutan ako ng paborito kong lollipop.
“Salamat, Laz,” pagtanggap ko sa lollipop na inaabot niya. “Pero pwede ka namang maligo hindi ba? Hindi ka nam
