CHAPTER 61
"Alam mo na ang dapat gawin dito, ha. Sige, maiwan na kita."
Isang tango na may matamis na ngiti ang isinagot ni Zeta sa ginang na kausap niya. Pag-alis nito ay kumilos na siya base sa inutos sa kanya. Una niyang winalisan ang bakuran ng bahay. Pero kahit na ginagawa na niya ang iniutos sa kanya ay masamang-masama pa rin ang loob niya sa kanyang ginagawa. At isa lang naman ang rason bakit siya nauwi sa ganitong trabaho...
"Nakakainis kayo, tamad nga ako sa bahay natin tapos uutusan ninyo akong maging katulong?!" reklamo ni Zeta, mahina ang kanyang boses para hindi siya marinig ng mga taong kasama niya sa bahay.
Ginagawa niya ito para sa kanilang misyon, ito ang tanging paraan na naisip ng grupo para isagawa ang mga planong naiisip nila. Maaring mahirap ito para sa dalaga dah
