Miles POV
Pabalik na siya ng Maynila nang mabatid na sa susunod na linggo na pala ang uwi ni Cian dito sa Pilipinas. Ang impormasyong iyon ay mula pa sa mga kaibigan niyang sina Lianne, Mae at Dwane na daig pa ang batang natatae sa labis na pananabik na muling makita at makasama ang kaibigan nilang matagal na panahon ding lumayo sa lahat. Nagkasundo silang tatlo nina Lianne at Dwane na magkita bukas upang pag-usapan ang nalalapit nilang pagsundo kay Cian. Hanggang bukas lang kasi siya bakante dahil muli na naman siyang magre-report sa opisina nila. Si Mae sa kabilang banda ay labis na inggit ang naramdaman sapagkat hindi kasi ito makakasama sa kanila upang sunduin ang paparating nilang kaibigan sa kadahilanang sila lamang ng katulong nito ang maiiwan sa bahay sa susunod na linggo. May
