“Sobrang aga mo namang nagising, anak?” Puna ng nanay ko sa akin.
Paanong hindi ako maagang magigising? Hindi ako nakatulog kagabi. Sa hindi malamang dahilan ay nabagabag ako sa kaalamang nandito si James Del Prado.
Hindi naman sa affected pa ako. Hindi ko kasi alam kung paanong pakikitunguhan ito kung sakaling magkita kami ng harapan.
“May gagawin kasi ako sa school, nay.” Alibi ko sa ina. Pero ang totoo ayaw kong abutan ng sikat ng araw dito sa bahay.
“Naku, hindi mo naman sinabi kagabi. Paano ‘yan, wala pa akong nailutong pang-almusal mo?” Paglabas ko kanina ay nagbubukas pa lamang ito ng ref at naghahanap ng maaaring iluto.
“Okay lang po, nay. Gagawa nalang ako ng sandwich para baonin sa pagpasok.”
“Hindi na, anak, ako na ang gagawa ng sandwich mo. Ayusin mo na ang mga dadalhi
