SOPHIA
HINDI ko pinansin ang text message sa akin ni Red. Pinili kong umuwi kasama si Max, kahit nandon ang kagustuhan ko sanang kausapin ito para tanungin kung ano ang kailangan niya sa akin.
Naisip ko kasing ganoon na lang? And, for me wala naman kaming dapat pag-usapan pa.
Sapat na rin sigurong natapos ang gabing 'to na hindi kami maayos na dalawa.
Safe naman akong nakarating sa amin kahit late na ng gabi, pasado alas-dose na, ilang minuto na lang ala-una na. Wala na ring tao sa labas kahit ang ilang katiwala.
Mas okay na rin naman 'yon, at hindi ako makaabala sa mga taong nagpapahinga na lalo na ang mommy ko.
Napahinto ako sa akma kong pagbukas ng pinto sa silid ko. Nandoon ang katanungan kung tama ba ang ginawa kong 'di pagpansin kay Red? Nandoon 'yong isipin na baka kailangan
