EPISODE 6: TULAK NG BIBIG, KABIG NG DIBDIB
353 Words
EPISODE 6: TULAK NG BIBIG, KABIG NG DIBDIB
Nang nakalayo na sila kila Chichay, tinanong ni Amanda si Joaquin.
AMANDA: Bakit mo ginawa yun? Bakit mo sinabi yun?
JOAQUIN: Eh kasi naman...ahh...ehh...kasi...ahh...
AMANDA: Kasi ano?
JOAQUIN: Eh kasi...
AMANDA: Ano? Hahampasin kita nito kapag hindi ka pa---
JOAQUIN: Eh kasi hindi ko na kayang nakikitang masaya sila Chichay at Quen tapos ako, parang asong nakabuntot sa kanila.
AMANDA: Eh bakit naman? Hindi ka ba makatangi kay Chichay?
JOAQUIN: Ang totoo...hindi eh.
AMANDA: Bakit naman? Mas gusto mong nasasaktan ka kaysa maging masaya ka?
JOAQUIN: Ha? Anong ibig mong sabihin?
AMANDA: Ang ibig kong sabihin mas gusto mong nasasaktan ka dahil sumasama ka sa kanila kaysa maging masaya ka, magpaiwan ka nalang. Edi, wala ka ng poproblemahin.
JOAQUIN: Eh mas malulungkot at masasaktan lang ako kapag hindi ako sumama sa kanila.
AMANDA: Ha? Bakit naman?
JOAQUIN: Siyempre, kasi hindi ko alam kung anong ginagawa nila, kung nasaan sila, kung...kung...kung...
AMANDA: Mahal mo ba si Chichay?
Natahimik at nagulat si Joaquin sa tinanong ni Amanda.
JOAQUIN: Ba-Ba-Bakit mo naman natanong 'yan?
AMANDA: O tignan mo nauutal ka pa. Eh kasi concern na concern ka kay Chichay.
JOAQUIN: Siyempre. Bestfriend ko yun eh. Dapat lang na concern ako sa kanya.
AMANDA: E kung makaasta ka parang ikaw yung boyfriend e. Matanong nga kita. Bestfriend lang ba talaga ang tingin mo kay Chichay?
JOAQUIN: Oo naman. Bestfriend lang.
AMANDA: Sigurado ka? Alam mo ngayon, naniniwala na ako sa kasabihang ‘Tulak Ng Bibig, Kabig Ng Dibdib’
JOAQUIN: Bakit ba pinagdududahan mo ang tingin ko kay Chichay? Sinabi ko bestfriend ko siya. Bestfriend ko lang siya.
AMANDA: Eh bakit naiinis ka? Guilty ka e. Atsaka parang higit talaga sa bestfriend ang tingin mo kay Chichay eh.
JOAQUIN: Bakit ba ang kulit mo? Paano mo nasasabi 'yan?
AMANDA: Wala lang. Sinasabi ko lang kung anong nakikita ko o kung anong nahahalata ko.
JOAQUIN: Alam mo. Bahala ka kung anong gusto mong isipin.
AMANDA: Ok. Saan na pala tayo pupunta?
Dahil sa naiinis si Joaquin ay naglakad na lamang ito palayo kay Amanda. Pero sinundan naman siya ni Amanda.
----------------------------------------------------------------------------------------------------------------------------------------------------------------
- Writer
