Tahan
Hindi man ligtas ang pagpunta namin sa bayan ng Prass ay wala kaming magagawa kung hindi ang magpunta dito. Masasama ang mga tingin ng mga tao sa amin sa ospital, hindi ko alam kung bakit ganito sila kagalit sa amin.
"Parang awa nyo naman na, may sakit ang asawa ko. Kailangan nya ng tulong, hindi nyo ba nakikita? Sumuka sya ng dugo kanina, kailangan nya ng doktor." pakiusap ni Amelia sa mga nurse na nandoon.
Walang malay si papa at maputla rin ang buong mukha nya. Nandito pa rin kami hanggang ngayon sa labas ng ospital dahil ayaw kaming papasukin. Ang dahilan sa amin ay baka daw may nakakahawang sakit ang aking papa.
"Nakikiusap po kami. Wala syang nakakahawang sakit, gusto lang po namin syang matignan at magamot," sabi ko sa isang lalake habang bumubuhos ang luha ko.
Ang papa k
