CARMELA
Paggising ko ay hinanap ko agad ang doktor. Dahil gusto kong malaman kung kamusta ang kalagayan ng baby ko.
Hindi ako matigil sa pag-iyak kanina kaya tinurukan ako ng pampatulog. Pati si Daevon ay na-stress na sa akin. Natakot talaga ako ng makitang dinudugo ako. Parang biglang nag-flashback ang nangyari sa akin noon.
"Doc, ang anak ko. How's my baby?"
"Your baby is safe, Mrs. Segovia. Malakas ang kapit ng bata," aniya.
Thank you, Lord! Akala ko ay mawawalan na naman ako ng anak.
"Sa ngayon ay kailangan mong magpahinga. Iwasan mo rin ang ma-stress dahil nakakasama ito sa baby."
Nakinig ng mabuti si Daevon sa mga payo ng doktor sa akin. Pati kung anong oras ako matulog ng gabi ay tinanong niya. Alam ko naman na bawal ang magpuyat ang buntis kaya nga alas-otso pa lang ay
