Chapter 27
Umuwi ako ng bahay at nagpanggap na walang nakita. Tinawag ako nila Nanag Isme para kumain na pero hindi ko iyon pinansin at dumerecho na ako sa banyo. Isinarado ko ang pinto at pinakatitigan ang sarili ko sa maliit na salaming nandirito.
"Ang kapal ng mukha niyang lumandi sa iba habang nanliligaw sa akin." Pagkausap ko sa sarili kong repleksyon. "Huwag mong sasagutin ang lalakeng iyon, Caliyah."
"Sinong huwag sagutin?"
Nanigas ako sa kinatatayuan ko nang marinig ko ang boses ni Asher mula sa labas ng banyo. Hala! Bakit nandito na siya? I composed myself before I turned around to face him. Binuksan ko ang pinto at bumungad ang mukha ni Asher na naguguluhan. Humalukipkip ako at tinaasan siya ng kilay.
"Ikaw sino pa ba?" Deretsahan kong sagot dahil ayoko ng maraming paligoy
