CHAPTER 8
PASADO ALA SAIS na ng hapun at malapit na ring mamaalam si haring araw. Hindi ko maiwasang mapahimig habang naglalakad pauwi tangan ang bilao dahil naubos ko ang aking paninda. Pwede ko na sigurong hampasin ng bilao mamaya ang Asher na iyon. Sikat pala ang palitaw dito ni Nanang Isme kaya naman hindi mahirap makabenta. Subok na kaya naman sigurado na ang bibili dahil na quality at masarap.
Naglalakad na ako ngayon pauwi. Kahit saan ako tumingin ay malawak na taniman ng palay ang nakikita ko. Malayong-malayo sa lugar na kinalakihan ko. Dito sariwa ang hangin at tahimik. Sa aking paglalakad ay may nakasalubong akong grupo ng tatlong lalake. Napansin kong may kakaiba sa kanilang paglakad, medyo pasiring-siring. Habang palapit sila sa akin ay mas humigpit naman ang hawak ko sa bil
