Chapter 50
Para akong nabunutan ng tinik sa lalamunan matapos marinig ang sinabi ng lolo niya. Lalo pa ng ito ay tumawa. Naupo siya at inalok niya akong maupo roon sa silya.
"Ikaw pala si Caliyah," sabi nito at ngumiti sa akin.
"Ako nga po," sabi ko at nahihiyang ngumiti sa lolo ni Asher.
"Siya ba iyong babaeng sinasabi mo sa akin na pakakasalan mo, huh apo?" tanong nito kay Asher kaya namimilog ang mga mata kong napalingon sa kaniya.
"Siya na nga ho, lolo," sagot nito na labis kong ikinagulat.
Hindi ko alam kung kailan niya iyon sinabi pero alam ko na recently lang iyon dahil naalala pa ng matanda. Grabe ganito ba siya kakumpyansa na babalik ako sa kaniya?
"Manang-mana ka talaga sa akin, apo. Mahusay kang pipili. Naalala ko pa noong kabataan ko, mga ganiyanh edad, ako lamang a
