Nang makabalik na kami sa lugar kung saan naroroon ang mga service namin na bus ay naabutan namin ang ilang sugatang trainee. Napag-alaman namin na napasabak din sila sa mga patibong sa loob ng kagubatan. Ang iba ay malulubha ang tinamong sugat pero wala pa namang namatay.
May mga medic din na dumating dito na sadyang naka-assign sa loob ng Academy.
"I was just thinking kung bakit ganito katindi ang ibinibigay nilang trial sa atin? Para tayong sasabak sa giyera. Ipapadala ba nila tayo sa Mindanao?" frustrated na sabi ni Honey. Muli na naman kaming nasa biyahe at patungo na sa Acad. Si Lyka ay malalim din ang iniisip.
"Baka nga. Ipapakain nila tayo sa mga buwaya doon," sagot naman ni Lyka.
Napahinga na lang ako ng malalim habang nakatanaw sa labas ng bintana. Pinagmamasdan ang aming mg
