SA LOOB ng ilang minuto ng second quarter ay nakaramdam ang second unit ng CISA ng pagod sa pagbalik nila sa kanilang bench matapos ang pagtawag ng time-out ni Coach Erik. Napaseryoso na lamang sila nang mapatingin sa bench ng kalaban, lalo na si Larry Dizon at Romeo Baltazar. Naiinis si Larry dahil wala man lang siyang nagawa para pigilan si Alcano na pakiramdam niya ay hindi pa nagseseryoso, habang si Baltazar naman ay gustong-gusto pang makabawi sa katapat nitong si Dee. Ngunit iyon din ang nakasira ng kanilang laro kaya nga napagdesisyunan na ng kanilang coach na sila ay pagpahingahin na sapagkat naitabla na ng kalaban ang score sa 35. Naglaho sa isang iglap ang kanilang lamang at hindi ito maganda.
Si Rommel Alfante naman ay kaagad na tumayo mula sa pagkakaupo at pumasok sa loob n
