MAGMULA noong lunes ng gabi ay naka-deactivate na si Andrea dahilan upang si Andrei na ang i-chat ni Ricky. Dito nga niya nalaman na tatagal pa naman ang kanilang mama sa chemo, kaso, hindi na rin nito masisiguro kung hanggang kailan ito kakayanin. Sinabi nga rin ni Andrei na si Andrea ay hindi na umaalis sa tabi ng kanilang mama. Alam ng ng binata at ni Ricky kung gaano kalapit ang dalaga rito kaya napakalaki ng epekto nito para rito.
Malungkot at natatakot din si Andrei sa pwedeng mangyari sa kanilang mama, pero iba pagdating sa kanyang ate. Kutob niyang dadaan ito sa matinding breakdown at ito ang ikinatatakot nilang mag-ama lalo pa’t ang mama pala mismo nila ang nagpumilit na huwag ipaalam sa kanilang mga anak nito ang kalagayan nito. Alam na ng kanilang mama na posible siyang magk
