MABILIS na kumalat sa CISA ang balita tungkol sa pagbabalik ni Mendez sa Flamers. Marami nga ang natuwa roon dahil isa talaga ang binata sa mga inaabangan nilang maglaro. Eksakto rin para sa kanila ang pagbabalik nito dahil hindi na sila pwedeng matalo pa ng isa mula sa mga susunod nilang kalaban. Tatlong team na nga lamang ang hindi pa nila nakakalaban at isa na rito ang DWCC na wala pa ring talo. Isa itong malakas na kalabang kailangan nilang talunin dahil kung hindi, maglalaho ang pag-asang makarating uli sila sa Final 4.
Lumabas na si Ricky ng campus at pansin niyang pinag-uusapan siya ng halos lahat ng mga estudyante sa CISA na nakakasalubong niya. Kanina pa ito matapos nilang mag-practice. Bumuntong-hininga na lamang siya at nakapamulsang naglakad. Inaasahan na rin naman niya ito
