ANG mga nasa bench ng CISA ay nabigla nang makita ang ginawa ni Kim Viray, isa sa mga rookie nila, ang ginawa nitong dunk. Ito rin nga ang nagpatahimik sa Pinamalayan College crowd dahil isa iyong napakagandang play sa mga mata nila.
Si Rommel nga ay napatingin din sa manlalarong iyon at parang pamilyar sa kanya ang lalaking iyon. Pakiramdam niya ay nakita na niya ito dati, kaso, hindi naman siya sigurado. “Viray,” sambit niya sa sarili habang pinagmamasdan ang player na iyon na may numero nuebe sa jersey.
“Ang galing! Ang taas at ang layo ng talon na iyon,” sambit naman ni Ricky na hindi makapaniwala sa nakikita sa mga kakampi niya ngayong taon. Alam niyang malakas ang kanilang team nitong nakaraan pero kung pagbabasehan ang mga players ng CISA ngayon ay tila mas nag-improve sila
