NAGWALA ang crowd ng CISA nang pumasok ang isang step-back three-point shot ni Baltazar. Hinalit noon ng basket at nakangiti siya habang nakataas ang kamay matapos iyon. Napatingin pa nga siya sa oras at ilang minuto na lamang at matatapos na ang laro. Nagawa nga nilang mapanatili ang kanilang kalamangan sa pamamagitan ng kanilang malakas na opensa at depensa.
80-52 na ang score matapos iyon at nang bumalik sa possession ng Minscat ang bola ay bigla itong na-intercept ni Salvador na mabilis din itong nahawakan. Mabilis din siyang napatingin sa open-space sa gitna ng kanilang side at doon ay ibinato niya ang kanyang hawak na bilog na bagay. Isang bounce pass iyon at kung titingnan ay wala naman siyang kakampi roon.
Pero nang ang bola ay umangat na matapos ang unang talbog ay doon na
