TUMUNOG na ang silbato ng referee, at hudyat na rin iyon para ang game ay magpatuloy sa huli nitong quarter. Ang mga manonood naman ay ibinibigay na ang kanilang makakaya para suportahan ang kanilang paaralan sa nalalabing sampung minuto ng laro. Labing-dalawa pa rin ang lamang ng CISA pero sa natitirang quarter ay malaki pa rin ang tsansa manalo ng Pinamalayan Hunters sa practice game na ito.
Mula nga sa bench ng mga naka-orange na players ay makikitang nakangiti sa mga ito ang coach ng Pinamalayan na si Sir Henry Valdez bago tuluyang pumasok sa loob ng court ang mga ito. Tinanong pa nga niya kung pagod na ang mga ito, ang mga players niyang sina Gardiano na hindi niya pinagpapahinga nang matagal. Wala na nga siyang balak palitan ang mga ito sapagkat, parte ito ng training ng kanyang
