ARAW ng Linggo, ang parking area ng Calapan University ay makikitang maraming mga sasakyan ang nakaparada. Sa labasan ay naroon din ang maraming humihintong nagsisibabaan na mga tao na pawang mga estudyante na suot-suot ang kani-kanilang mga shirt na kakulay ng kanilang koponan.
Mula sa itaas ay makikitang iisang direksyong lang ang nilalakaran ng mga dumarating, ang malaking gymnasium ng unibersidad. Ito na nga ang araw ng opening ng CBL at ang lahat ng mga koponan ay narito para sa seremonya. Marami ring mga estudyante mula sa iba’t ibang paaralan ang nagpunta rito para makita ang magaganap lalo na ang unang game ng season, ang laban ng CU at CISA. Kumpara sa mga nakaraang taon, walang may pakialam sa team na tinaguriang winless sa maraming taon sa liga… Subalit iba na ngayon, matapo
