SABAY na umuwi sina Ricky at Rich. Iisang tricycle din ang kanilang sinakyan at naging tahimik ang kanilang pagbyaheng iyon dahil kapwa hindi nagsalita ang dalawa. Ang dalaga ay nakatingin lang sa ibaba at malalim ang iniisip habang ang binata naman ay nakatanaw sa labas na malayo ang tingin.
Huminto ang tricycle nang pumara na si Rich at nagngitian pa ang dalawa bago tuluyang umandar muli ang kanilang sinakyan.
“Thanks Rich,” wika ni Ricky sa dalaga at isang simpleng ngiti naman ang itinugon nito. Kinawayan pa siya ng dalaga sa paglayo ng tricycle at masaya siya dahil dumating ito kanina para siya ay samahan. Sa muli ngang pagbaybay ng sasakyan sa kalsada ay dito na tuluyang napabuntong-hininga si Ricky. Napatingin muli siya sa labas at naalala ang game. Hindi niya alam kung tapos
