84-81 ang score matapos ang isang malayong tres na ginawa ni Raven. Ang tirang iyon ang nagbigay ng mas mataas na kompyansa para sa kanilang team at sa mga supporters nila. Kasunod nga ng tres na iyon ay ang pagdagundong ng malakas na cheer para sa Thunder.
Halos marindi ang mga taga-CISA roon at tumatagos na iyon sa kanilang mga pandinig na nagbibigay sa kanila ng kabog.
Bumalik sa possession ng CISA ang bola at nang sambutin ito ni Alfante ay bigla na lamang siyang dinepensahan ni Raven. Hindi pa man siya nakakagalaw ay bantay-sarado na kaagad siya. Katulad din nga sa kanya ang nangyari sa mga kakampi niya sapagkat isang full-court at man-to-man na depensa ang ginawa ng SA laban sa kanila.
“Bawat possession ay mahalaga. Kaya ang isang turnover na magagawa nila ay sisiguruhin
