FOURTH QUARTER.
Pagdating ng mga players ng CISA sa kanilang bench ay makikitang nakatayo ang mga kasamahan nila roon, maliban kay Kim Viray na seryoso lamang na nakatingin sa kanila. Si Rommel naman nga ay nagpahuli at pasimpleng pinagmasdan ang mga kasama na sa paglalapit ay biglang nagtalunan at pinagbunggo ang mga katawan sa ere.
Pagkatapos noon ay ginulo nila ang buhok ni Ricky Mendez, sa pangunguna ito nina Troy at Benjo na halos ikulong sa katawan nilla ang kasamahan na parang gustong magpumiglas mula sa kanila na hindi naman magawa.
“Sa wakas, nakabalik ka na! Matagal din namin ikaw hinintay,” masayang winika ni Benjo.
“Welcome back Ricky. Na-miss ka ng basketball,” sabi naman ni Troy at matapos ang kaunting kasiyahang iyon ay napatingin naman si Mendez kay Coach Er
