CHAPTER 25
Hindi na muli pumunta si Tatay sa restaurant at balik sa normal ang buhay namin. Nagtratrabaho pa rin ako sa restaurant at boss ko pa rin si Brenda. Si Nanay naman nagpapagaling pa rin.
Masaya akong umuwi galing kina Cherry. Day-off ko kasi at walang pasok sa school kaya nakapunta ako sa kanila. Ang saya ko kasi pinag-uwi ako nang nanay ni Cherry nang isang supot ng manggang hilaw at isang bote ng bagoong.
“Nay?” tawag ko habang papasok ako ng bahay. Wala sa sala si Nanay kaya sigurado akong nasa kusina siya at malamang kasama na naman si Brenda. Tambayan kasi nila ang kusina at bonding nila ang pagluluto.
“Kailangan malaman ‘to ni Alex.” Narinig kong sabi ni Nanay.
Pagpasok ko ng kusina, nakita ko si Nanay at Brenda na parehong seryoso ang mga mukha. Nakaramdam ako ng ka
