Malalim na ang gabi. Lumabas ng banyo si Bertrant na naroon din sa loob ng kwarto. Kakatapos lamang niyang maghilamos at magsipilyo. Napatingin ito sa ginagawa ni David. Kumunot ang noo at nagsalubong ang kilay niya dahil sa pagtataka kung bakit pinagpapatong-patong nito ang mga unan at kumot sa ibabaw ng kama.
Sumeryoso ang mukha ni Bertrant. Tinigil niya ang pagkalikot sa butas ng kanyang kanang tenga at naglakad papunta sa kabilang side ng kama at doon tumayo.
“Anong ginagawa mo?” pagtatanong ni Bertrant kay David.
Napatigil sandali si David. Hindi siya tumingin kay Bertrant. Mahinang nagbuga ito ng hininga saka ipinagpatuloy ang ginagawang pagpagpag naman sa mga pinagpatong-patong na unan at kumot.
“Sa guest room ako matutulog-”
“Dito ka matutulog sa kwarto katabi ko,” madiin na s
