Nasa loob ng art gallery si David. Nakatayo sa bandang gilid habang tinitingnan ang mga bisitang naglilibot at nagtitingin-tingin ng mga nilikha niyang paintings.
Seryoso ang mukha ni David. Sa loob-loob rin niya ay nakakaramdam din siya ng pag-aalala. Nasabi kasi sa kanya ng curator niya rito sa art gallery ang pagpunta ni Bertrant at paghanap nito sa kanya.
Napabuntong-hininga nang malalim si David. Pinamulsa niya ang kanyang mga kamay sa suot na slack pants.
“Hindi niya ba ako titigilan?” pabulong na sambit niya sa sarili.
Hindi mapigilan ni David na makaramdam ng takot. Kung laging pupunta rito si Bertrant para hanapin siya, hindi na niya alam kung ano ang mangyayari sa susunod. Nagiging maayos na ang lahat lalo na sa pagitan nila ni Maxwell at kung magpapatuloy ang panggugulo nito
