Mabilis na lumipas ang mga araw at hindi niya namalayang magsisimula na ang klase. Gabi pa lang ay nakahanda na ang maleta niya at gamit pampag-aral. Naabisuhan na rin niya si Gideon na maaga siyang aalis kinabukasan. Nakapagtataka nga ang klase ng ngiti nito pero pinagsawalang-bahala na lang niya.
At habang dumadaan ang Navarra sa Aisle at sa bayan ng Tindog, hindi mawala sa labi niya ang isang matamis na ngiti. Excited na siya. At last, makakabalik na rin siya sa UDM.
Huminto ang sasakyan sa harap ng gate. Huminga siya nang malalim at mabilis na umibis ng sasakyan. Nakangiti siyang tumingala sa malaking arko kung saan naka-engrave ang tanyag na Unibersidad de Medellin.
Narinig niya ang pagsara ng pintuan ng driver's seat. "Jewel I —"
"Oh no! Ako na," masayang tanggi niya. Lumapit
