[Chloe's Pov]
Wala na akong makita dahil nakapiring na ang aking mga mata. Hindi ko alam kung saan nga ba ako dadalhin ng mga kidnaper na ito. Ang laki kong tanga at nadamay na naman ako sa gulong ito.
Naramdaman kong huminto ang kotse at may nagbukas ng pintuan. Hinila ako ng isa sa kanila sa braso ko.
“Bilis! Baba!” sigaw niya.
Matinding kaba ang naramdaman ko at halos ninerbyos na ako. Ngunit pilit kong nilalakasan ang aking loob upang huwag panghinaan.
“Dalhin niyo 'yan sa bodega!” sigaw ng nakatataas sa kanila.
“Ano ba! Pakawalan ninyo ako! Bakit pati ako ay kinidnap niyo!” hiyaw ko.
Nanginginig na ang boses ko dahil naiiyak na ako sa takot. Mukhang mas malala pa ang pangyayaring ito kaysa sa bar. Naglakad kami at dinala ako kung saan. Narinig ko ang pagbukas ng pinto at
